Rakenusluasta vaphaat toimenpitheet

Toimenpitheet mihinkä ei tartte rakenusluppaa 

Tarkemin planeeratulla aluheela ja taajan asutuksen aluheela oon olemassa joitaki toimenpitheitä mihinkä ei tartte rakenusluppaa. Sen saapi rakentaa semmosia lisärakenuksia ilman luppaa joitten rakenuspinta-ala (sia minkä rakenus ottaa ylös maasta) ylittää 15 kanttimeeteriä, jokka ei ole korkeammat ko 3 meeteriä eikä panta likemäksi krannin raijaa ko 4,5 meeteriä. Jos rakenus panthaan likemäksi raijaa ko 4,5 meeteriä niin siihen häätyy saaja krannilta luan.

 

Plankkuseinät, muurit, ja saekatot 

Ilman rakenusluppaa saat laittaa suojatuita ulkopaikkoja muuritten ja pohjitten kansa aivan asumakämpän viehreen jos plankkuseinä/muuri ei ole korkeampi ko 1,8 meeteriä, jos se ei uletu eemäks asumakämpästä ko 3,6 meeteriä eikä laiteta likemäksi raijaa ko 4,5 meeteriä. Saekatot jokka oon pienemät ko 15 kanttimeeteriä saattaa laittaa porthaitten ja ulkopaikoitten pääle. 

Tarkeman plaanin ja taajan asutuksen aluheen ulkopuolela 

Tarkemin planeeratun aluheen ja taajan asutuksen aluheen ulkopuolela saapi isontaa kämppää vähäsen ja panna ulkohuohneita pysthöön ko net panthaan aivan asumakämpän viehreen. 

Muistappa! 

Rakenusilmotuksen häätyy tehhä ette saapi tehhä valkeasian eli saukanavan esimerkiks sauhnaan eli asumakämphään. 

Eks ole varma jos sinun toimenpitheesheen tarttethaan luppaa? Eli jos sinun fastiheetti oon tarkeman planeeratun aluheen eli taajan asutuksen sisälä?

Ota yhtheys plaani- ja miljöökontturhiin!

Uppdaterad: 2018-08-16 15.55