Meän- ja suomenkielinen esikoulu

Kaikki Pajalan kunnan esikoulut harjottava toimintaa, jossa oon jonku verran meänkieltä.

Niile jokka halvava enämpi toimintaa meän- ja suomen kielelä kunta tarjoaa esikoulua osaksi näilä kielilä Oravan aavteelninkillä Pikkumettän esikoulula kunnan pääpaikassa. Iso osa Oravan jokapäiväsestä toiminasta tapahtuu meän- ja suomen kielelä. Kaikki kieliaavteelninkin pärsunaali käsittää meänkieltä, suomea ja ruottia, ja kläpit saattava itte valittea mitä kieltä net halvava käyttää. Päämääränä oon ette kläpit saisiva meän- ja suomen kielen perustaitoa, ja innostuisiva oppimhaan enämpi.

Hakemus kieliaavteelninkhiin tehthään vasitulla planketilla. Se ei ole vaatimus ette kotona puhuthaan meänkieltä eli suomea.

Uppdaterad: 2019-02-11 10.17